மின் வாகனங்களுக்கான 100% வரி விலக்கு நீட்டிப்பு - தமிழ்நாடு அரசாணை வெளியீடு / Extension of 100% Tax Exemption for Electric Vehicles - Tamil Nadu Promulgation of Ordinance
போக்குவரத்து மற்றும் போக்குவரத்து அல்லாத வாகனங்கள் என பேட்டரியால் இயக்கப்படும் அனைத்து மின்சார வாகனங்களுக்கும் ஏற்கனவே 31.12.2022 வரை 100 சதவீதம் வரி விலக்கு அளித்து தமிழ்நாடு அரசு உத்தரவு பிறப்பித்திருந்தது.
இந்நிலையில், பயணிகள், வாகன உற்பத்தியாளர்கள், தமிழ்நாடு மின்சார வாகனக் கொள்கை 2019-ன் படி பேட்டரியில் இயங்கும் மின்சார வாகனங்களுக்கு 100 சதவீதம் வரி விலக்கை 2023 ஜனவரி 1ம் தேதி முதல் 2026 டிசம்பர் 31ம் தேதி வரை நீட்டிக்க வேண்டும் என கோரிக்கை விடுக்கப்பட்டது.
தற்போது, தமிழக அரசு கோரிக்கையை ஏற்கும் வண்ணம் பேட்டரியில் இயக்கப்படும் மின்சார வாகனங்களுக்கான 100 சதவீதம் வரி விலக்கை 1.1.2023 முதல் 31.12.2025 வரை நீட்டிக்க உத்தரவிடப்படுகிறது. இந்த உத்தரவிற்கு நிதித்துறையின் ஒப்புதல் தேவையில்லை.
தமிழ்நாடு மோட்டார் வாகனங்கள் வரி விதிப்பு சட்டம் 1974 பிரிவு 20 மூலம் வழங்கப்பட்ட அதிகாரங்களைப் பயன்படுத்தி அனைத்து பேட்டரி வாகனங்களுக்கும் வரி விலக்கு அளிக்கப்படுகிறது.
0 Comments