ஜனவரி 10, 2023 வரையிலான மொத்த நேரடி வரி வசூல், கடந்த ஆண்டு இதே காலகட்டத்தின் வசூலை விட 24.58% அதிகம். இது 14.71 லட்சம் கோடி ரூபாயாக உள்ளது.
அதில் ரீபண்டுகளை கழித்த பிறகு, நிகர நேரடி வரி வசூல் ரூ.12.31 லட்சம் கோடியாக உள்ளது. இது கடந்த ஆண்டின் இதே காலத்திற்கான நிகர வசூலை விட 19.55% அதிகம்.
நடப்பு நிதியாண்டிற்கான நேரடி வரிகளின் நிகர வசூல் ரூ.14.20 லட்சம் கோடியாக இருக்கும் என பட்ஜெட்டில் மதிப்பிடப்பட்டிருந்தது. தற்போது பட்ஜெட் மதிப்பீட்டில் 86.68% வசூலாகியுள்ளது. மேலும், ஏப்ரல் 1, 2022 முதல் ஜனவரி 10, 2023 வரை சுமார் ரூ.2.40 லட்சம் கோடி அளவிற்கு ரீபண்டுகள் வழங்கப்பட்டுள்ளன.
இது முந்தைய நிதியாண்டின் இதே காலகட்டத்தை விட 58.74% அதிகம். இதில் கார்ப்பரேட் வருமான வரி வசூல் 19.72% உயர்ந்துள்ளது. தனிநபர் வருமான வரி 30.46% அதிகரித்துள்ளது.
0 Comments