தெலங்கானா, கேரளா தலைமை நீதிபதிகள் உச்ச நீதிமன்ற நீதிபதிகளாக நியமனம் / Appointment of Chief Justices of Telangana and Kerala as Supreme Court Judges

• உச்ச நீதிமன்றத்தில் தலைமை நீதிபதியுடன் சேர்ந்து 34 நீதிபதிகள் பணியிடம் உண்டு. கடந்த மாதம் 3 நீதிபதிகள் ஓய்வு பெற்றதால் தற்போது 31 பணியிடம் மட்டுமே உள்ளது.
• இந்த நிலையில் தலைமை நீதிபதி சந்திரசூட் தலைமையில் நீதிபதிகள் சஞ்சய் கிஷன் கவுல், சஞ்சீவ் கன்னா, பி.ஆர்.கவாய், சூர்யகாந்த் ஆகியோர் அடங்கிய கொலிஜியம் கூடி ஆலோசனை நடத்தியது. 
• அப்போது தெலங்கானா உயர் நீதிமன்ற தலைமை நீதிபதி உஜ்ஜல் புயான், கேரளா உயர் நீதிமன்ற தலைமை நீதிபதி வெங்கடநாராயண பாட்டி ஆகியோரை உச்ச நீதிமன்ற நீதிபதிகளாக நியமிக்க தலைமை நீதிபதி சந்திரசூட் தலைமையிலான கொலிஜியம் பரிந்துரை செய்தது. 
• இதில் நீதிபதி உஜ்ஜல் புயான் அசாம் மாநிலத்தில் கவுகாத்தி உயர்நீதிமன்ற நீதிபதியாக 2011 அக்டோபர் 17ம் தேதி நியமிக்கப்பட்டவர். நீதிபதி வெங்கடநாராயண பாட்டி ஆந்திராஉயர் நீதிமன்ற நீதிபதியாக 2013 ஏப்ரல் 12ம் தேதி நியமிக்கப்பட்டுள்ளார்.