ஐசிசி-யின் நவம்பர் மாதத்திற்கான சிறந்த வீரர் & வீராங்கனை விருது / ICC BEST PLAYER AWARD FOR NOVEMBER 2022

• ஐசிசி -யின் நவம்பர் மாதத்திற்கான சிறந்த வீரர் விருது இங்கிலாந்து அணியின் டி20 கேப்டன் ஜாஸ் பட்லருக்கு அறிவிக்கப்பட்டுள்ளது.
• இதேபோன்று மகளிர் பிரிவில் பாகிஸ்தானின் சித்ரா அமீன் சிறந்த வீராங்கனையாக தேர்வு செய்யப்பட்டுள்ளார்.
• சமீபத்தில் நடந்த ஒருநாள் கிரிக்கெட் போட்டி தொடரில் அயர்லாந்து அணியை பாகிஸ்தான் அணி வென்றது. 
• இதற்கு சித்ரா அமீன் முக்கிய காரணமாக அமைந்தார். இதேபோன்று 20 ஓவர் உலக கோப்பையை இங்கிலாந்து அணி கைப்பற்றுவதற்கு ஜாஸ் பட்லர் ஒரு முக்கிய காரணம்.
• இதன் அடிப்படையில் இந்த இருவரும் நவம்பர் மாதத்திற்கான சிறந்த கிரிக்கெட் வீரர் மற்றும் வீராங்கனைக்கான விருதை பெறுகின்றனர். 
• நவம்பர் மாத தொடக்கத்தின்போது, 20 ஓவர் உலகக்கோப்பை போட்டியில் விளையாடிய ஜாஸ் பட்லர், நியூசிலாந்து அணிக்கு எதிராக 47 பந்துகளை மட்டுமே சந்தித்து 73 ரன்களை அதிரடியாக குவித்து அணியை வெற்றி பெறச் செய்தார்.
• இதேபோன்று இந்தியாவிற்கு எதிரான அரையிறுதி போட்டியில் 49 பந்துகளை சந்தித்து 80 ரன்களை அதிரடியாக சேர்த்த ஜாஸ் பட்லர் அணி வெற்றி பெறுவதற்கு காரணமாக அமைந்தார். 
• இந்த போட்டியில் பட்லரும் அலெக்ஸ் ஹேல்ஸும் இணைந்து முதல் விக்கெட்டுக்கு 170 ரன்கள் சேர்த்தனர். இந்த போட்டியில் விக்கெட் இழப்பின்றி இங்கிலாந்து அணி வெற்றி பெற்றது என்பது குறிப்பிடத்தக்கது.
• இதேபோன்று பாகிஸ்தானுக்கு எதிரான இறுதிப் போட்டியில் 26 ரன்கள் சேர்த்து அணியின் வெற்றிக்கு உறுதுணையாக இருந்தார்.