எகிப்து தலைநகர் கெய்ரோவில் உலக கோப்பை துப்பாக்கி சுடுதல் நடக்கிறது. இதன் 'ஸ்கீட்' கலப்பு அணிகளுக்கான தகுதிச்சுற்றில் இந்தியாவின் மைராஜ் அகமது, கனேமத் ஜோடி பங்கேற்றது. 143 புள்ளிகள் பெற்ற இவர்கள் முதலிடம் பிடித்து தங்கத்திற்கான போட்டிக்கு முன்னேறினர்.
சக போட்டியாளராக மெக்சிகோவின் ஆலிவர்ஸ், கேப்ரியல்லா ஜோடி பங்கேற்றது. 43 வயதான அகமதுவின் அனுபவம், கனேமத்தின் (22 வயது) துடிப்பான செயல்பாடு கைகொடுத்தது.
முடிவில், 6-0 என வெற்றி பெற்ற இந்திய ஜோடி தங்கப்பதக்கம் கைப்பற்றியது. இது, இத்தொடரில் இந்தியாவுக்கு கிடைத்த முதல் பதக்கமாக அமைந்தது.
அகமது 'சீனியர்' அளவில் வென்ற ஐந்தாவது பதக்கம். கனேமத்தை பொறுத்தவரை 4வது பதக்கம். கலப்பு அணிகள் பிரிவில் இவர் கைப்பற்றிய 2வது பதக்கம் இதுவாகும்.
0 Comments