பி.எப்., வட்டி விகிதம் 8.15 சதவீதமாக அறிவிப்பு / P.F. announced interest rate at 8.15 percent

• கடந்த 2022-23ம் ஆண்டுக்கான வருங்கால வைப்பு நிதிக்கான வட்டி விகிதத்தை, 8.15 சதவீதமாக வழங்க மத்திய அரசு அறிவிப்பு வெளியிட்டுள்ளது.
• மத்திய அரசின் இந்த உத்தரவையடுத்து, இ.பி.எப்.ஓ., எனப்படும் பணியாளர் வருங்கால வைப்புநிதி ஆணையம், தனது 6 கோடிக்கும் அதிகமான சந்தாதாரர்களின் 2022-23ம் ஆண்டுக்கான வருங்கால வைப்பு நிதிக்கான வட்டி விகிதத்தை 8.15 சதவீதமாக உயர்த்தி வழங்கிட தனது அனைத்து அலுவலகங்களுக்கும் அறிவுறுத்தியுள்ளது. 
• நடப்பாண்டு மார்ச் மாதத் தொடக்கத்தில் இந்த வட்டி விகிதத்திற்கு நிதி அமைச்சகம் ஒப்புதல் அளித்ததைத் தொடர்ந்து, தற்போது இந்த அறிவிப்பு வெளியாகியுள்ளது. 
• இதைத் தொடர்ந்து, சந்தாதாரர்களின் கணக்குகளில் உயத்திய வட்டி விகிதத்தை வரவு வைக்கும் செயல்முறைகளை, இ.பி.எப்.ஓ., அலுவலகங்கள் துவக்க உள்ளன. 
• கடந்த மார்ச் 2022ல், 2021-22ம் ஆண்டு வைப்பு நிதிக்கான வட்டி விகிதத்தை, முந்தைய ஆண்டான 2020-21ல் வழங்கப்பட்ட 8.50 சதவீதத்தில் இருந்து 8.10 சதவீதமாக குறைத்து வழங்கியது குறிப்பிடத்தக்கது.