வானிலை, பருவநிலை ஆராய்ச்சிக்காக வடிவமைக்கப்பட்ட உயர் செயல்திறன் கொண்ட கம்ப்யூட்டிங் (எச்பிசி) அமைப்பைப் பிரதமர் திரு நரேந்திர மோடி தொடங்கிவைத்தார் / Prime Minister Shri Narendra Modi inaugurated High Performance Computing (HPC) system designed for weather and climate research

வானிலை, பருவநிலை ஆராய்ச்சிக்காக வடிவமைக்கப்பட்ட, புவி அறிவியல் அமைச்சகத்தால் பெறப்பட்ட உயர் செயல்திறன் கணினி (எச்பிசி) அமைப்பைப் பிரதமர் திரு நரேந்திர மோடி தொடங்கி வைத்தார்.

இந்த லட்சிய திட்டம் ரூ. 850 கோடி முதலீட்டைக் கொண்டது. இது மிகவும் நம்பகமான, துல்லியமான வானிலை, காலநிலை முன்னறிவிப்புக்கான இந்தியாவின் கணக்கீட்டு திறன்களில் குறிப்பிடத்தக்க பாய்ச்சலைக் காட்டுகிறது. 

புனேயில் உள்ள இந்திய வெப்பமண்டல வானிலை ஆய்வு நிறுவனம் (ஐ.ஐ.டி.எம்), நொய்டாவில் உள்ள நடுத்தர தூர வானிலை முன்னறிவிப்பு தேசிய மையம் (என்.சி.எம்.ஆர்.டபிள்யூ.எஃப்) ஆகிய இரண்டு முக்கிய இடங்களில் இவை அமைந்துள்ளன.

ஐ.ஐ.டி.எம் அமைப்பு 11.77 பீட்டா ஃப்ளாப்ஸ் மற்றும் 33 பெட்டாபைட் சேமிப்பகத்தின் ஈர்க்கக்கூடிய திறன் கொண்டது, அதே நேரத்தில் என்.சி.எம்.ஆர்.டபிள்யூ.எஃப் வசதி 24 பெட்டாபைட் சேமிப்பகத்துடன் 8.24 பீட்டா ஃப்ளோப்ஸைக் கொண்டுள்ளது. 

இதில் கூடுதலாக, 1.9 பீட்டா ஃப்ளாப்ஸ் திறன் கொண்ட செயற்கை நுண்ணறிவு மற்றும் இயந்திர கற்றல் பயன்பாடுகளுக்கு பிரத்யேக தனித்துவ அமைப்பு உள்ளது.

இந்த விரிவாக்கத்தின் மூலம், புவி அறிவியல் அமைச்சகம் அதன் மொத்த கணினி சக்தியை 22 பீட்டா ஃப்ளாப்ஸ் ஆக உயர்த்தும், இது முந்தைய திறனான 6.8 பீட்டா ஃப்ளாப்சிலிருந்து கணிசமான அதிகரிப்பாகும்.

பாரம்பரியத்திற்கு இணங்க, இந்த அதிநவீன அமைப்புகளுக்கு சூரியனுடன் இணைக்கப்பட்ட வான அமைப்புகளின் பெயர்கள் சூட்டப்பட்டுள்ளன. முந்தைய அமைப்புகளுக்கு ஆதித்யா, பாஸ்கரா, பிரதியுஷ், மிஹிர் என்று பெயரிடப்பட்டது. 

புதிய எச்பிசி அமைப்புகளுக்கு 'அர்கா', 'அருணிகா' என்று பொருத்தமாக பெயரிடப்பட்டுள்ளது. இது புவி அமைப்பின் முதன்மை ஆற்றல் ஆதாரமான சூரியனுடனான அவற்றின் தொடர்பை பிரதிபலிக்கிறது.